vice-primeiro-ministro-ministro-coordenador-dos-assuntos-sociais-e-ministro-desenvolvimento-rural-e-habitacao-comunitaria

Semináriu nee ho tema “Hamosu Idea Foun Hodi Hadia Moris Povu Nian Husi Baze”

Ministro MDRHC, apresia ho membru Saemaul Undong sira neebé maioria idade produtivu neebé mai husi aldeia sira iha Atauru, Aileu no Baukau, neebé iha espiritu atu dezenvolve potensia aldeia no suku ne’ebé sira hela ba.

Saemaul Undong nudar movimentu neebé ho karakter servisu kolektivu ne’ebé ho objetivu ba dezenvolvimentu ekonómia, social no kultural iha area rural.

“Hau husu ba imi hotu atu badinas, disiplina, servisu makas ho komitmentu tomak, imi hotu hamutuk identifika rekursu sira iha imi nia aldeia no suku sira hodi dezenvolve, servisu ne’ebé imi halo hahú ho buat ki’ik maibé tenke ho vontade hodi kontinua, loron ruma sei sai bo’ot,” dehan, Ministru MDRC iha Sentru Quesadip Ruak, Taibesi.

Ema ne’ebé ohin loron sai emprezariu ho modal bobot, sae karreta didiak, uluk sira hahú ho negosiu kiik, sira dalaruma monu maibé ho komitmentu sira hader fila fali kontinua negosiu, tanba nee ba membru Saemaul Undong tomak tenke servisu ho komitmentu dezenvolve adeia no suku sira neebé hela ba.

Aldeia no suku sira ne’ebé ohin loron Saemaul Undong moris ona ba, tenke esforsu para lao ba oin nafatin nune’e bele sai fatin peskiza ba aldeia sira seluk, atu haree tuir mudansa ekonomia, social no kultural iha neeba.

Ministru MDRHC kompromete, ba oin sei vizita hotu aldeia no suku sira neebé ohin loron Saemaul Undong ejiste ba, tanba Ministériu Dezenvolvimentu Rural no Habitasaun Komunitaria ne’e ministériu foun ida neebé servisu direita ba area rural, entaun mai para koordena prosesu dezenvolvimentu neebé lao iha kraik.

Saemaul Undong Timor-Leste parseria ho Embaixada Korea, Sentru Saemaul Undong Corea, no Ministeriu Dezenvolvimentu Rural no Habitasaun Komunitaria.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂